Posted on 19:24, September 14th, 2008 by
Ciska-Rene
Septermber 2008
BOETIE
En skielik is die dood op my
‘n Enkel oproep en dis verby
Jou boetie is dood my kind
Kom help jou ma ek gaan verdrink
die skok is groter as die see
dit sleep my om wel om te gee’
ek verstaan wat ek wel moet doen
‘n Enkel sluk whiskey ruk my skokkend terug
Ek moet verkas dit is my plig
My liggaam slenter heelpad saam
ek sien die vlaktes verbygaan
die pad is donker en benoud
dank Vader vir ‘n steunpillaar
My lieflings woorde sluimer deur
byt vas my ding dis handomkeer
daar sal weer lig wees glo net vas
ek neem jou tuis met al my mag.
My ma verwese staan sy daar
verbly deur koms maar seer en teer
Sy het die dood al oë gestaar
hoekom al weer haar lieflingseun?
Wat staan ‘n Moeder tog te doen
want niks sal hierdie seer verbloem…
Staan sterk sussie ons kan dit doen
Jy moet gaan groet al wil jy nie
Die tyd is nie nou joune nie
daar staan sy kinders kyk na jou
stel nou die voorbeeld hul vertrou
Al is hul klein hul gaan onthou
en haat vir dood is nie vir jou
trek aan jou kerkrok ons verkas
Avbob is net ‘n pitstop nou
Ek nader stil die dodekis
dis geelhout met ‘n goue “glow”
Is dit die son of gaan hy nou?
Maar rustig slapend mooi soos eens
lê boetie daar asof hy slaap
ek voel die vrede skielik my omvou
beloof hom om altyd te onthou
Ek vra hom om my saam te dra
en altyd oor ons waak te hou
Groet pappa wat ek nooit kon ken
en sê vir sus, ek weet van haar
Ek belowe om hom te vereer
sy liefde aan sy kinders oor te dra
Sy nasate is deel van my …
Ek is so jonk maar ek belei
lewend is my ousus daar
vee trane af en se bedaar
want sy het al die seer geproe
nog voor ek ooit dit kon verstaan
sy weet wat moet en ek volg saam
ons gaan ons boetie nou laat gaan
Dis rouer as skoon lewersbloed
ek dink ek gaan dit nie oorleef
maar Godsgenade dit gaan verby
glo my tyd is nie jou vriend
jy hunker telkens terug na hom
en wens om hom te bel
Ek wens om jou so veel te vertel
maar sal jou in my drome sien
Dankie boetie vir dit wat was
vir beertjies en die dra van my tas
My voet beseer die bloed wat vloei
net jy om my toe by te staan
Ek val ook van my fietsie af
weer is jy daar om om te sien
Ek weet nie veel maar kan onthou
die tye lekker saam met jou
jou terggees talm telkens hier
my kinders deel so veel van jou
hul ken jou naam hul ken jou gees
daars trekkies om maar elke draai
JOU kinders was so sweet gewees
maar altwee is ook groot so gou
hul ken jou seun
hy is hul volbloed Oom
Jou dogter is ook al ‘n vrou
ek wens jy kon dit nou beleef
Die trots sou jou oorspoel
Ek is ook ma en vrou vandag
Ek wens ek kon dit met jou deel
daars soveel meer om te vertel
ek sien jou weer!
Groetnis Vaarwel!
